Shpërthimet në qytetin rus: Çka dihet deri tash për to?
Ka pasur një shpërthim të madh në një depo të naftës në qytetin rus Briansk, jo aq larg prej kufirit me Ukrainën.
Deri në këtë pikë, asnjëra palë nuk po e lidh incidentin me konfliktin. Rusia thotë se po heton shkaqet e zjarreve, ndërsa Ukraina për momentin nuk ka koment.
Pavarësisht kësaj, ka shumë spekulime se çka mund ta ketë shkaktuar shpërthimin. Në fakt shpërthimet sepse ka raportime edhe për një të dytë.
Javën e kaluar, Rusia ka akuzuar Ukrainën se po përdote helikopterë për të sulmuar ndërtesa banimi në këtë rajon. Ukraina ka mohuar se e kishte sulmuar një depo tjetër më herët gjatë këtij muaji.
Bryansk this morning part 2 pic.twitter.com/DUCAanObd4
— OSINTtechnical (@Osinttechnical) April 25, 2022
Videoja e Brianskut po qarkullon me të madhe në mediet sociale të Internetit, e për të cilën BBC me Nacionalen besojnë se është autentike, dhe e cila shfaq tankun e naftës duke eksploduar.
This is becoming an interesting pattern, in Russian cities close to the Ukrainian border, oil depots are suddenly catching fire.
— Oleksiy Sorokin (@mrsorokaa) April 25, 2022
This video is from Bryansk. pic.twitter.com/nMIbx4GyPj
Lokacioni është me rëndësi të madhe pasi ai është afër tubacionit të Druzhbha-s, një artierie kyçe që sjell naftën ruse për në Evropë.
Që të jemi më precizë, ky tubacion sjell naftë në Poloni, Sllovaki, Republikë Çeke dhe në shtetet e Baltikut.
Nuk ka pasur raportime – të paktën deri tash – për ndërprerjen e furnizimit.
Vendi ku kanë shpërthyer këto zjarre është rreth 100 kilometra larg nga kufiri me Ukrainën, dhe shërben si bazë logjistike për fushatën ushtarake të Moskës në Ukrainë.
