Shpërthen Trump, e quan marrëveshjen e Britanisë për Çagos "akt të një BUDALLALLËKU TË MADH"
Në një kritikë brutale në platformën Truth Social, Presidenti Donald Trump ka dënuar marrëveshjen e Mbretërisë së Bashkuar për të dorëzuar sovranitetin e Ishujve Çagos (Chagos) te Mauritiusi, duke e cilësuar lëvizjen si një "akt të një BUDALLALLËKU TË MADH" dhe "dobësi totale".
Ky shpërthim shënon një kthesë dramatike nga qëndrimi i tij vitin e kaluar, kur ai tregoi gatishmëri për të mbështetur marrëveshjen, sipas BBC. Marrëveshja, e negociuar nga qeveria britanike, përfshin bazën strategjike ushtarake Diego Garcia, një aset kritik për operacionet e ShBA-së në Oqeanin Indian.
Shpërthimi i Trump:
"Në mënyrë tronditëse, Aleati ynë “gjenial” i NATO-s, Mbretëria e Bashkuar, aktualisht po planifikon të falë Ishullin Diego Garcia, vendndodhjen e një Baze Ushtarake vitale të SHBA-së, te Mauritiusi, dhe ta bëjë këtë PA ASNJË ARSYE.
"Nuk ka asnjë dyshim se Kina dhe Rusia e kanë vënë re këtë akt dobësie totale. Këto janë Fuqi Ndërkombëtare që njohin vetëm FORCËN, dhe kjo është arsyeja pse Shtetet e Bashkuara të Amerikës, nën udhëheqjen time, tani, pas vetëm një viti, respektohen si kurrë më parë.
"Fakti që Mbretëria e Bashkuar po fal një tokë jashtëzakonisht të rëndësishme është një akt i një BUDALLALLËKU TË MADH, dhe është një tjetër në vargun shumë të gjatë të arsyeve të Sigurisë Kombëtare se përse Groenlanda duhet të merret.
"Danimarka dhe Aleatët e saj Evropianë duhet TË BËJNË GJËNË E DUHUR. Ju faleminderit për vëmendjen tuaj ndaj kësaj çështjeje. PRESIDENTI DONALD J. TRUMP"
