Rriten çmimet e naftës pas lëvizjes së papritur për të ulur prodhimin
Çmimet e naftës janë rritur pasi disa nga eksportuesit më të mëdhenj në botë njoftuan shkurtime të papritura të prodhimit, raporton BBC News.
Çmimi i naftës së papërpunuar Brent, është duke u tregtuar për 85 dollarë për një fuçi, pas një rritjeje prej gati 6 për qind.
Ekonomistët paralajmëruan se çmimet më të larta të naftës mund ta bëjnë më të vështirë uljen e kostos së jetesës.
Por grupi i motorëve RAC tha se nuk pret që çmimet e benzinës të rriten nëse çmimi më i lartë i naftës nuk mbahet për disa ditë.
Çmimet e naftës së papërpunuar Brent u rritën pasi Arabia Saudite, Iraku dhe disa shtete të Gjirit thanë të dielën se po ulnin prodhimin me më shumë se një milion fuçi naftë në ditë.
Përveç kësaj, Rusia tha se do të zgjasë uljen e saj prej gjysmë milioni fuçi në ditë deri në fund të vitit.
Gjigantët e energjisë, BP dhe Shell, kanë përjetuar rritje të vlerës së aksioneve për më shumë se 4 për qind të hënën.
Çmimet e naftës u rritën kur Rusia pushtoi Ukrainën, por tani janë kthyer në nivelet e parë para fillimit të konfliktit.
Megjithatë, SHBA-ja ka bërë thirrje që prodhuesit të rrisin prodhimin në mënyrë që të ulin çmimet e energjisë.
Një zëdhënës i Këshillit të Sigurisë Kombëtare të SHBA tha: "Ne nuk mendojmë se shkurtimet janë të këshillueshme në këtë moment duke pasur parasysh pasigurinë e tregut - dhe ne e kemi bërë të qartë".
Çmimet e larta të energjisë dhe karburanteve kanë ndihmuar në rritjen e inflacionit, duke ushtruar presion mbi financat e shumë familjeve.
