Po vjen era president: Libri mbi Pallatin Elysee tregon se Macron parfumoset gjatë gjithë ditës
Sipas një libri të ri mbi jetën në Pallatin Elysee, presidenti Emmanuel Macron përdorë aq shumë parfum, sa që ndihmësit e tij e “aromatizojnë” praninë para se ai të hyjë në dhomë.
“The Telegraph” raporton se Macron spërkat “sasi industriale” të Dior Eau Savage, në atë që shihet si një “atribut i qëllimshëm i pushtetit”.
Pjesë nga libri “Tragjedia e Elysee", nga një gazetar i Le Parisien, pretendojnë se Macron përdor parfumin e famshëm “në të gjitha orët e ditës”.
Shishet e parfumit janë nga 100 ml, dhe Macron raportohet se ka gjithmonë “një shishe në dorë, veçanërisht në një nga sirtarët e tavolinës së tij".
Libri pohon: “Vizitorët më pak të mësuar mund ta gjejnë veten të pushtuar nga aroma sa e rafinuar aq edhe e fuqishme. Kjo është shenjë e një gjëje: që presidenti është në ndërtesë."
“Kur Emmanuel Macron hyn në dhomë, mund ta ndjesh...” – citon libri një nga ish-ndihmësit e tij, i cili shpjegon se kjo është një mënyrë e pohimit të fuqisë së tij, “gati si duke e shënuar territorin e tij”.
“Nuk është e mbrehtë, por e shpejtë. Do të thotë: keni kujdes, unë po vij” – thotë një ish-ndihmës.
“Aq shumë sa disa pjesëtarë të stafit kanë bërë shaka me një shprehje që kanë dërguar nga një krah në tjetrin: Po vie era president”.
