Pamje: Ushtria izraelite thotë se vrau dy pjesëtarë të Hamasit që kishin granatë dore

Dy operativë të Hamasit, të armatosur me një granatë dore dhe një armë tjetër zjarri, të cilët po u afroheshin trupave izraelite të Brigadës “Kfir” në Qytetin Gaza, u vranë përmes një sulmi me dron, tha ushtria izraelite, duke publikuar pamje të rastit.

Sipas ushtrisë izraelite, gjatë kontrollimit të zonës nga ushtarët izraelitë përmes një droni, dy operativët e Hamasit u panë duke iu afruar trupave. Ushtarët më pas angazhuan një dron të tipit “Hermes 450” të Forcës Ajrore për t’i goditur operativët, raporton gazeta “The Times of Israel”.