Në fotografi: Teherani i goditur nga sulmet izraelite
Ushtria izraelite ka thënë se ka përdorur 200 aeroplanë luftarakë për ta sulmuar Iranin, duke hedhur më shumë se 330 municione e duke goditur mbi 100 caqe në mbarë vendin.
Në media kanë dalë fotografi që e shfaqin dëmin e shkaktuar nga këto sulme në kryeqytetin e Iranit, Teheran, të premten, raporton televizioni CNN.
Në një fotografi, ekipet emergjente shihen duke punuar në ndërtesa të dëmtuara nga predhat izraelite.
Në një fotografi tjetër shihet tollovi në rrugë. Disa njerëz shihen duke i përdorur telefonat, ndërsa një grua qan.
Një ndërtesë shumëkatëshe shihet e dëmtuar rëndë në pjesën e sipërme të saj në lagjen “Sheshi i Narmakut” në Teheran, në një fotografi tjetër.
Duke e parë dëmin e madh ndaj një ndërtese, një burrë reagon i tmerruar, duke e kapur kokën, përderisa punëtorët e shërbimeve emergjente po i kontrollonin rrënojat.
