Ministri i Jashtëm i Moldavisë: “E gjithë Evropa është më pak e sigurt”
Ministri i Jashtëm i Moldavisë, Nicu Popescu i ka thënë homologut të tij amerikan se "të gjithë në Evropë ndihen më pak të sigurt se vetëm dy muaj më parë".
Popesku i bëri këto komente përpara takimit të tij me Sekretarin e Shtetit të SHBA-së, Antony Blinken në Uashington.
Ministrat e jashtëm diskutuan reformat demokratike të Moldavisë dhe përgjigjen e saj ndaj krizës së refugjatëve që po vjen si pasojë e pushtimit rus në Ukrainë.
Blinken tha se përgjigja humanitare e Moldavisë ndaj refugjatëve ishte "e jashtëzakonshme". OKB vlerëson se Moldavia ka marrë më shumë se 400,000 refugjatë nga Ukraina që nga fillimi i pushtimit. Nga OKB, po ashtu thonë se refugjatët tani përbëjnë afërsisht 4 për qind të popullsisë së Moldavisë.
Sekretari Blinken theksoi se SHBA do të vazhdojë të ndihmojë Moldavinë në trajtimin e ndikimeve ekonomike të krizës dhe avancimin e reformave demokratike.
Pleased to relaunch the U.S.-Moldova Strategic Dialogue with Foreign Minister @nicupopescu @StateDept today. I emphasized the United States’ support for Moldova’s reform agenda and its efforts to address the humanitarian and economic impacts of Russia’s brutal war against Ukraine
— Secretary Antony Blinken (@SecBlinken) April 18, 2022
