Militantët po mbajnë peng rreth 250 njerëz në një tren të rrëmbyer në Pakistan
Forcat pakistaneze ishin në një ballafaqim të tensionuar të mërkurën me qindra militant që po mbajnë peng rreth 250 persona në një tren që e rrëmbyen një ditë më parë, thanë zyrtarët.
Forcat e sigurisë u përmbajtën nga betejat e hapura, përderisa militantët me jelekë të mbushur me lëndë shpërthyese e kishin barrikaduar veten brenda trenit bashkë me pengjet, raporton agjencia e lajmeve “Associated Press”.
Ushtria Çlirimtare Baloçe, forcë separatiste, e mori përgjegjësinë për sulmin e së martës në një tunel në Bolan, district në provincën e Baloçistanit. Zëdhënësi i këtij grupi, Jeeyand Baloch, tha se ata janë të gatshëm t’i lirojnë pasagjerët, nëse autoritetet pajtohen për të liruar militantë.
Nuk ka pasur komente nga Qeveria e Pakistanit, e cila në të kaluarën ka refuzuar kërkesa të tilla.
Të paktën 30 militantë u vranë gjatë shkëmbimit fillestar të zjarrit nga e marta. Deri të mërkurën vonë, forcat e sigurisë kishin shpëtuar 190 nga 450 pasagjerët që ndodheshin fillimisht në tren, sipas tre zyrtarëve të lartë të sigurisë.
Helikopterët po u ofronin mbështetje forcave pakistaneze në rajon, tha zëdhënësi Shahid Rind, i cili e përshkroi sulmin si “akt terrorizmi”.
Kjo është hera e parë që Ushtria Çlirimtare Baloçe rrëmbeu një tren, edhe pse grupi në të kaluarën ka sulmuar trena. Në shënjestër të grupit janë rregullisht forcat e sigurisë, por në të kaluarën ka sulmuar edhe civilë, përfshirë disa shtetas kinezë që po punonin në projekte miliardëshe të lidhura me Korridorin Ekonomik Kinë – Pakistan. Sipas vlerësimeve, ky grup ka rreth tre mijë luftëtarë.
Baloch Army carried out a major attack in Pakistan; BLA took more than 150 passengers hostage, including Army personnels, in the Jaffar Express train going from Quetta.
— Oxomiya Jiyori 🇮🇳 (@SouleFacts) March 11, 2025
Six Pakistan Army soldiers were also killed in the Hijack process.#Balochistan #TrainHijack pic.twitter.com/ZjAo2rwX21
