Forcat e sigurisë vrasin 29 rebelë maoistë në Indi - NACIONALE

Forcat e sigurisë vrasin 29 rebelë maoistë në Indi

1 muaj më parë

nga NACIONALE

Forcat indiane të sigurisë thonë se kanë vrarë 29 rebelë maoistë në shtetin qendrore të Indisë, Chhattisgarh, disa ditë para se shteti i madh aziatik të shkojë në zgjedhje.

Incidenti ndodhi në zonën Kanker, afër Bastarit, që është bastion i rebelëve, raporton televizioni BBC.

Policia shtetërore tha se kjo është shifra më e lartë e maoistëve të vrarë në një përleshje viteve të fundit.

Në Chhattisgarh është zhvilluar një kryengritje e gjatë nga maoistët, të cilët thonë se po luftojnë për të drejtat e të varfërve.

Banorët e Bastarit pritet të votojnë të premten në ditën e parë të zgjedhjeve të përgjithshme, ndërsa në Kanker votohet më 26 prill.

Forcat e sigurisë thanë se përleshja e së martës ndodhi pas pranimit të një informate për praninë e udhëheqësve të Partisë Komuniste të Indisë, e ndaluar me ligj, në Kankar.

Një përleshje me armë shpërtheu gjatë operacionit të kërkimit nga forcat e sigurisë dhe, pas kësaj, 29 trupa të rebelëve maoistë dhe një grumbull i madh armësh u kapën, tha të mërkurën një zyrtar policor.

Forca e Sigurisë Kufitare e Indisë tha se dy anëtarë të lartë të Partisë Komuniste të Indisë besohet se janë në mesin e të vrarëve.

Ministri i Punëve të Brendshme, Amit Shah, e ka përgëzuar personelin e sigurisë për suksesin e operacionit. Ai ishte për fushatë zgjedhore më herët këtë javë në Chhattisgarh. Të mërkurën. Ai tha se Qeveria është “e vendosur për ta çliruar vendin nga kamxhiku” i rebelëve maoistë.

Lajme të ngjashme