Dy të vrarë dhe disa të plagosur nga të shtënat në Tel Aviv

Dy persona janë vrarë dhe disa të tjerë janë plagosur nga një person i armatosur në qendër të Tel Aviv, Izrael, në sulmin e katërt të këtij lloji në pak më shumë se dy javë.

Të shtënat ndodhën në rrugën Dizengoff, një nga rrugët më të frekuentuara, e njohur për baret dhe restorantet e saj.

Forcat e sigurisë po kërkojnë të paktën një person të armatosur dhe policia u ka thënë njerëzve të qëndrojnë brenda.

Ky akt vjen pas një seri sulmesh nga një palestinez që ka lënë të vdekur 11 persona.

Tetë persona u plagosën në të shtënat e së enjtes mbrëma, katër prej tyre në gjendje kritike, tha spitali Ichilov i Tel Avivit.

Sipas Times of Israel, sulmi filloi kur të paktën një person i armatosur hapi zjarr në bar Ilka në Dizengoff. /Nacionale/