Dronë të paidentifikuar shihen mbi bazën ajrore amerikane në Gjermani

Dronë të paidentifikuar janë parë mbi zona të ndjeshme industrial dhe mbi bazën ajrore të forcave amerikane Ramstein në Gjermani në javët e fundit, raportoi të premten revista gjermane “Spiegel”, duke cituar një raport konfidencial të autoriteteve gjermane të sigurisë.

Në raportin konfidencial përmenden shumë raste kur janë parë dronë në orët e mbrëmjeve të 3 e 4 dhjetorit mbi bazën amerikane, sipas revistës së njohur gjermane, raporton agjencia e lajmeve “Reuters”.

Një burim i sigurisë i tha agjencisë “Reuters” se raporti për vërejtjen e dronëve mbi bazën Ramstein ishte i saktë. Ministria e Mbrojtjes e Gjermanisë refuzoi që ta komentonte raportin.

Shefat gjermanë të inteligjencës kanë paralajmëruar se mbështetja e Gjermanisë për Ukrainën në luftën e saj me Rusinë e bën Berlinin cak të mundshëm të përpjekjeve për sabotim. Disa incidente të sigurisë në baraka ushtarake e kanë ngritur edhe më tej alarmin.

Revista “Spiegel” raportoi edhe për raste të pashpjeguara të vërejtjes së dronëve mbi zona që u përkasin prodhuesit gjerman të armëve, “Rheinmetall”, dhe grupit të produkteve kimike, BASF.

Kompania “Rheinmetall” nuk iu përgjigj menjëherë një kërkese për koment./Nacionale