Blinken kërkon lirimin e menjëhershëm të gazetarit amerikan në bisedë me Lavrovin
Sekretari amerikan i Shtetit Antony Blinken bëri thirrje për lirimin e menjëhershëm të gazetarit amerikan, reporterit të Wall Street Journal Evan Gershkovich, të cilin Rusia e ka akuzuar për spiunazh, gjatë një bisede telefonike me ministrin e Jashtëm rus Sergei Lavrov të dielën, tha Departamenti i Shtetit i SHBA, raporton Reuters.
“Sekretari Blinken përcolli shqetësimin e madh të Shteteve të Bashkuara për ndalimin e papranueshëm nga Rusia të një gazetari qytetar amerikan. Sekretari bëri thirrje për lirimin e tij të menjëhershëm," - tha zëvendës zëdhënësi kryesor i Departamentit të Shtetit të SHBA, Vedant Patel në një deklaratë që nuk e përmend Gershkovich me emër.
Administrata Biden dënoi ndalimin gazetarit të Wall Street Journal në Rusi për atë që Moska e përshkroi si spiunazh, rasti i parë i tillë i një gazetari amerikan të arrestuar për akuza për spiunazh që nga Lufta e Ftohtë.
Arrestimi i 31-vjeçarit Evan Gershkovich, një folës rus, prindërit e të cilit erdhën në SHBA nga Bashkimi Sovjetik, shënoi pikën më të fundit të konfliktit diplomatik midis Moskës dhe Uashingtonit.
Të dy vendet, tashmë në anët e kundërta të një lufte në Ukrainë, janë përplasur gjithashtu për arrestimet e qytetarëve të njëri-tjetrit dhe për gjendjen e traktateve të armëve bërthamore.
