50 vjet burg të akuzuarit për vrasjen e aktivistin kenian të LGBT-së, Edwin Kiptoo
Një gjykatë në Kenia ka dënuar me 50 vjet burg një burrë të quajtur Jackstone Odhiambo, pasi ai u shpall fajtor për vrasjen e aktivistit për të drejtat e komunitetit LGBT, Edwin Kiptoo, para gati dy vjetëve.
Vrasja e Kiptoos në fillim të vitit 2023 e kishte shokuar komunitetin LGBT në shtetin konservator të Afrikës Lindore. Trupi i tij ishte gjetur në një kuti metali në qytetin perëndimor, Eldoret, raporton agjencia e lajmeve “Reuters”.
Cimeri i tij, Jackstone Odhiambo, për të cilin policia beson se kishte qenë në lidhje me viktimës, u shpall fajtor për vrasje më herët këtë muaj.
“Po, klienti im është dënuar me 50 vjet burg. Për momentin nuk kam pranuar ndonjë udhëzim për apelim” – tha avokati i Odhiambos, Sammy Mathai.
Odhiambo kishte mohuar se e kishte vrarë Kiptoon.
Homoseksualizmi është temë tabu në Kenia dhe marrëdhëniet intime mes personave të gjinisë së njëjtë dënohen me 14 vjet burgim, edhe pse ky ligj rrallë zbatohet.
