Sokol Bashota pyetet në Hagë për vrasjen e Maliq Shehollit, babain e Fatmir Shehollit

Ish-eprori i UÇK-së në Hagë, Sokol Bashota, po vazhdon dëshminë në Hagë.

Ai është pyetur për komunikatën 28 që lidhej me Maliq Shehollin, babain e Fatmir Shehollit.

“A e njihni personin e dytë që përmendet në komunikatën 28, Maliq Sheholli?”, pyeti gjyqtari.

“Jo”, u përgjigj Bashota.

“A e di diçka çfarë i ka ndodhur këtij personi, a është vrarë dhe kush e ka vrarë?”, ishte pyetja tjetër.

“Nuk kam njohuri”, tha Bashota.

Fatmir Sheholli kohë më parë kishte thënë se do të jetë dëshmitar në Hagë. Ai tha se UÇK-ja nuk ia ka vrarë babain.