Rrustem Mustafa e vazhdon dëshminë në Gjykatën Speciale

Ish-komandanti i UÇK-së në zonën e Llapit, Rrustem Mustafa, do ta vazhdojë dëshminë e tij pranë Dhomave të Specializuara të Hagës.

Ai do të merret në pyetje nga avokatët e krerëve të UÇK-së, raporton Nacionale.

Remi gjatë javës së kaluar është pyetur për pozicionin e tij në luftë, pozicionin e Thaçit e të tjerëve, raportet e komanndatëve të zonave me shtabin e përgjithshëm dhe detaje të tjera.

Remi është dëshmitari i parë që ka dalur publikisht në këtë gjykim, pasi të gjithë të tjerët kanë qenë me masa mbrojtëse.