Krasniqi: Jemi bashkuar për një qëllim, t’i lirojmë çlirimtarët e Kosovës
E mbijetuara e dhunës seksuale gjatë luftës së fundit në Kosovë, Vasfije Krasniqi po mbështet nga afër protestën pro-UÇK në Tiranë.
Në një prononcim për Euronews Albania, Krasniqi tha se të gjithë pjesëmarrësit në protestë janë bashkuar për një qëllim, e që sipas saj është lirimi i çlirimtarëve të Kosovës.
“Të gjithë femrat shqiptare jemi të forta, por ne të gjithë këtu kemi ardhë për një qëllim, të bashkuar për t’i liruar çlirimtarët e Kosovës”, u shpreh Krasniqi.
