Fillon dëshminë dëshmitari i 54-të në Hagë: Seanca tërësisht e mbyllur

Në Dhomat e Specializuara të Hagës ka vazhduar gjykimi ndaj krerëve të UÇK-së.

Për dallim nga seancat e kaluara kur lexohej një përmbledhje për dëshmitarin, sot nuk ka ndodhur kështu.

Dëshmia e këtij dëshmitari është mbajtur tërësisht e mbyllur, raporton Nacionale.

“Këtë mëngjes, ZPS-ja thirri dëshmitarin e 54-të, të mbrojtur, me pseudonimin W04739, dëshmia e të cilit do të mbahet tërësisht në seancë të mbyllur, sipas urdhërit të trupit gjykues për mbrojtjen e dëshmitarit”, thuhet në njoftim.

Kjo është ndër herat e para që seancat zhvillohen pa transmetim fare. Specialja është kritikuar gjithë kohën për seanca të mbyllura.