Ku u fshehën udhëheqësit kur erdhi për pak orë Hashim Thaçi? Si ka mundësi, asnjë fjalë?

Hashim Thaçi u kthye pas gati pesë vitesh në shtetin e tij, e që fatkeqësisht po duket se më nuk është shteti.

Personi që ka punu, ka luftu për me shpallë pavarësinë e Kosovës, erdhi ta vizitojë babain e tij që është në gjendje kritike në QKUK.

Qysh është e mundur Presidentja, kryeministri, kryetari i Kuvendit, mos ta flasin asnjë fjalë, me thënë: mirë se erdhe, a mirë se nuk erdhe a?

Ku jeni mshefë? Keni folë për të birin e dreqin, për Gjingjiqin keni folë, për Oliver Ivanoviqin keni folë.

Qysh po mundeni me duru? Ku e keni gjetë këtë ligësi kaq të madhe? Që ta injoroni një ngjarje kaq të dhimbshme.

Hashim Thaçi është dorëzuar vullnetarisht në Hagë, prej pozitës më të lartë, e ka lënë pozitën e Presidentit dhe ka shku në Hagë. Nuk ka qenë një njeri i zakonshëm.

Sot e sollën me 100 policë në QKUK, duke iu bërtitë njerëzve, duke kërcënu e frikësu çdo gjë.

E shteti i Kosovës, nuk ke kurrkund. E di që plot njerëz maliciozë dalin e thonë: ai vetë e ka bë (Specialen). Është rren.

Nuk e ka bë. Hashim Thaçi dhe deputetët e Kosovës, e kanë bë Specialen për aludimet e Dick Martyt për trafikim me organe.

Asnjë pikë e aktakuzës nuk është për trafikim organesh.

Sendi i vetëm i trafikuar është aktakuza.

E sot, shteti i Kosovës për të cilin ai punoi e luftoi, e injoroi.

E pabesueshme!