Profesori i së Drejtës dhe Marrëdhënieve Ndërkombëtare Enver Hasani ka njoftuar se e ka publikuar librin e ri “me titullin , “Mbi kushtetutën dhe shtetin”.

“Ky libër është rezultat i një pune pesëvjeçare dhe përmban tetë kapituj të pasur me literaturë burimore në anglisht, frëngjisht, serbisht, italisht dhe turqisht. Ai eksploron konceptet themelore të kushtetutës dhe shtetit, duke sjellë në pah dimensione të pashkruara dhe të pathëna në diskursin akademik dhe praktik”, ka shkruar Hasani i cili ka qenë edhe kryetar i Gjykatës Kushtetuese për dy mandate.

Katër persona kanë mbetur të lënduar si pasojë e një aksidenti trafiku që ka ndodhur gjatë ditës së sotme në fshatin Dollc të komunës së Klinës.

Në këtë aksident janë përfshirë tri automjete. Lajmin e ka konfirmuar zëdhënësi i Policisë së Kosovës për Rajonin e Pejës, Fadil Gashi.

Sipas Gashit, personat e lënduar janë dërguar menjëherë për trajtim mjekësor. Ai ka bërë të ditur se gjendja e tyre shëndetësore është stabile dhe jashtë rrezikut për jetë.

Kryetari i Aleancës për Ardhmërinë e Kosovës (AAK), Ramush Haradinaj, ka bërë të ditur se, me ftesë të Presidentes së Republikës, Vjosa Osmani, ka zhvilluar një diskutim lidhur me Bordin e Paqes dhe zhvillimet politike në vend dhe në rajon.

Haradinaj ka shprehur vlerësimin për pjesëmarrjen e Kosovës në Bordin e Paqes, me ftesë të Presidentit të Shteteve të Bashkuara të Amerikës, Donald J. Trump, duke theksuar rëndësinë e veçantë që ka çdo partneritet me SHBA-në për Kosovën.

Ai ka shtuar se Aleanca për Ardhmërinë e Kosovës e përkrah pa asnjë hezitim këtë angazhim, duke e cilësuar bashkëpunimin me SHBA-në si jetik për interesat shtetërore të Kosovës.

Forcat izraelite të hënën vranë katër militantë në Rafah, në pjesën jugore të Gazës, kur ata dolën nga një tunel nëntokësor dhe hapën zjarr në drejtim të trupave, tha ushtria izraelite.

Ushtria e përshkroi sulmin ndaj trupave izraelite si shkelje të armëpushimit të ndërmjetësuar nga Shtetet e Bashkuara me Hamasin, i cili hyri në fuqi në tetorin e vitit të kaluar, raporton agjencia e lajmeve “Reuters”.

Izraeli u është kundërpërgjigjur incidenteve të tilla muajve të fundit duke kryer sulme ajrore në pjesë të ndryshme të enklavës, me ç’rast janë vrarë dhjetëra njerëz.

Nuk pati koment të menjëhershëm nga Hamasi, por disa burime të afërta me grupin e identifikuan njërin nga të vrarët si Anas Annashar, i biri i një ish-politikani të lartë të Hamasit.

Dhjetëra luftëtarë të Hamasit kanë mbetur të ngujuar në tunele në Rafah që nga arritja e armëpushimit dhe disa prej tyre tashmë janë vrarë gjatë përleshjeve me forcat izraelite.

Në një incident tjetër, forcat izraelite qëlluan për vdekje një bujk palestinez në Deir Al-Balah, në pjesën qendrore të Rripit të Gazës, sipas autoriteteve shëndetësore lokale. Izraeli nuk e komentoi menjëherë incidentin.

Të dyja palët e kanë akuzuar njëra-tjetrën për shkelje të armëpushimit, përderisa Uashingtoni po bën thirrje që të kalohet në fazat e ardhshme të marrëveshjes me të cilën synohet që t’i jepet fund konfliktit.

Janë çertifikuar rezultatet e zgjedhjeve të mbajtura më 28 dhjetor të vitit të kaluar. Me 11 vota pro, pra nga të gjitha partitë reazultatet e zgjedhjeve u certifikuan. E pasi votoi pro, Kurteshi bashkë me bashkpartiakun Alban Krasniqi, gjilanasi i Vetëvendosjes shtoi: “Me gjithë rezervat që i kemi… dhe vazhdojmë t’i kemi për Listen Serbe… mirë”.

Ndryshe, Vetëvendosje disa herë kishte theksuar se nuk ia njeh rezultatin Listës Serbe, madje duke ndërmar kinse aksione në KQZ, të cilat përfunduan pa asnjë rezultat konkret.

Një person ka përfunduar në pranga të policisë mesditën e sotme në Mitrovicë të Jugut, nën dyshimin për posedim të paautorizuar të substancave narkotike.

Sipas njoftimit zyrtar, arrestimi ka ndodhur në rrugën “Pajazit Boletini”. Gjatë kontrollit të ushtruar, policia ka gjetur dhe sekuestruar tek i dyshuari 10 qese me substancë të dyshuar narkotike, me një peshë totale prej 11.1 gramësh.

Për rastin është njoftuar prokurori kompetent, i cili ka lëshuar vendim për ndalim policor ndaj të dyshuarit. Rasti po trajtohet si “Posedim i paautorizuar i narkotikëve, substancave psikotrope dhe analoge”.

Kryetari i Lidhjes Demokratike të Kosovës, Lumir Abdixhiku ka publikuar fotografi nga takimi i tij me Presidenten Vjosa Osmani, ku të dy shfaqen në disponim pranë njëri-tjetrit. Abdixhiku tha se nga Presidentja u informua në lidhje me nismën e Presidentit të ShBA-së Donald Trump, për Bordin e Paqës, aty ku nënshkroi, Vjosa Osmani.

E plotë:

Me ftesë të Presidentes Vjosa Osmani, sot gjatë ditës u takova me të për të diskutuar zhvillimet e fundit politike dhe ndërkombëtare me rëndësi për Kosovën.

Në këtë takim u informova për iniciativën e Presidentit Donald Trump për themelimin e Bordit të Paqes; një nismë që synon forcimin e stabilitetit, dialogut dhe paqes, dhe që e forcon pozicionin ndërkombëtar të Kosovës.

I shpreha Presidentes Osmanit mbështetjen e plotë të Lidhjes Demokratike të Kosovës për këtë iniciativë. Forcimi i paqes, i aleancave, në veçanti me SHBA-të, dhe i rolit ndërkombëtar të Kosovës duhet të jetë përparësia jonë.

LDK mbetet e përkushtuar ndaj orientimit euroatlantik dhe bashkëpunimit të ngushtë me aleatët tanë strategjikë.

Prokuroria Themelore në Prizren, në bashkëpunim me Policinë e Kosovës, ka iniciuar hetime lidhur me dyshimet për falsifikim të rezultateve të votimit në Qendrën Komunale të Numërimit në Dragash.

Hetimet janë nisur me vetiniciativë pas informatave publike për parregullsi gjatë procesit të rinumërimit të votave. Në kuadër të hetimit janë intervistuar gjithsej 51 persona të dyshuar.

Me urdhër të Prokurorit të Shtetit, nëntë persona janë ndaluar për 48 orë, në cilësinë e kryesuesve të komisioneve, nën dyshimin se kanë kryer veprën penale “Falsifikimi i rezultateve të votimit”.

Prokuroria ka bërë të ditur se brenda afateve ligjore do të vendosë lidhur me kërkesën për caktimin e masave për sigurimin e pranisë së të dyshuarve në procedurë, duke theksuar përkushtimin për mbrojtjen e integritetit të procesit zgjedhor.

Prokuroria heton dyshime për falsifikim të rezultateve zgjedhore në Dragash

Prokuroria Themelore në Prizren, në bashkëpunim me Policinë e Kosovës, ka iniciuar hetime lidhur me dyshimet për falsifikim të rezultateve të votimit në Qendrën Komunale të Numërimit në Dragash.

Hetimet janë nisur me vetiniciativë pas informatave publike për parregullsi gjatë procesit të rinumërimit të votave. Në kuadër të hetimit janë intervistuar gjithsej 51 persona të dyshuar.

Me urdhër të Prokurorit të Shtetit, nëntë persona janë ndaluar për 48 orë, në cilësinë e kryesuesve të komisioneve, nën dyshimin se kanë kryer veprën penale “Falsifikimi i rezultateve të votimit”.

Prokuroria ka bërë të ditur se brenda afateve ligjore do të vendosë lidhur me kërkesën për caktimin e masave për sigurimin e pranisë së të dyshuarve në procedurë, duke theksuar përkushtimin për mbrojtjen e integritetit të procesit zgjedhor.

Komisioni Qendror Zgjedhor sot pritet të certifikojë rezultatet përfundimtare të zgjedhjeve të 28 dhjetorit.

Certifikimi do të bëhet në kuadër të mbledhjes nr. 13 të Komisionit Qendror të Zgjedhjeve për vitin 2026, ka njoftuar KQZ.

Mbledhja e KQZ-së nis nga ora 18:00.

Kryeprokurori i Prokurorisë Themelore në Prishtinë, Zejnullah Gashi, ka konfirmuar për “Betimi për Drejtësi” se është lëshuar urdhër për ndalimin 48 orë të arsimtarit që dyshohet se ka ushtruar dhunë fizike ndaj një nxënësi në shkollën “Pavarësia” në Prishtinë.

“Po, është lëshuar urdhri për ndalim për 48 orë”, ka konfirmuar Gashi.

Konekst:

Një rast i rrahjes është publikuar në shkollën “Pavarësia” në Prishtinë.

Në videon që ka arritur në redaksinë e KALLXO.com shihet një mësimdhënës i kësaj shkolle derisa e godet një nxënës.