Dani Carvajal pritet ta vazhdojë karrierën në MLS pasi të largohet nga Real Madridi
Ylli i Real Madridit, Dani Carvajal, e ka pranuar se një lëvizje në MLS kur të largohet nga Mbretërit është shumë e mundshme.
Mbrojtësi i djathtë Carvajal, 32 vjeç, pati një nga sezonet më të mira të karrierës së tij në sezonin 2023-24, duke ndihmuar Real Madridin të fitonte LaLigën dhe Ligën e Kampionëve përpara se të triumfonte në Euro 2024 me Spanjën.
Kontrata e tij në Bernabeu do të skadojë në qershor të vitit 2025.
“Është një mundësi”, tha Carvajal për The Athletic kur u pyet nëse një lëvizje në Shtetet e Bashkuara i pëlqente atij. “Kur të vendos të mos jem më në Real Madrid që shpresoj se do të jem edhe për shumë vite, nuk do të luaj në Evropë dhe alternativat janë shumë të reduktuara”.
Carvajal erdhi nga akademia e Real Madridit përpara se të kalonte një sezon në Bayer Leverkusen të Gjermanisë, duke u rikthyer për të bërë debutimin e tij të parë për Mbretërit në gusht të vitit 2013.
Ai ka fituar 26 trofe me Real Madridin, duke përfshirë gjashtë Liga të Kampionëve dhe katër tituj të LaLigas.
Mbrojtësi tha se nëse ai zgjedh të vazhdojë, MLS do të jetë një destinacion i mundshëm, së bashku me Katarin dhe Arabinë Saudite.
"Pikërisht, do të ishte një nga ato tre opsionet," tha ai.
Carvajal është në detyrë ndërkombëtare me Spanjën, e cila do të luajë kundër Serbisë në Beograd të enjten në Ligën e Kombeve.
