Selimi: Kurti harroi vendet e punës, ekonominë e investimet, fokusin e ka vetëm te Serbia
Ish-kryediplomati Petrit Selimi pas reagimit të ShBA-së ndaj Qeverisë Kurti, ka thënë se secilën javë po shtohet nga një çështje në listën e mosmarrëveshjeve.
Sipas tij, kjo po ndodhë pasi Qeveria ka nevojë të krijojë kriza e të korrë përfitime të pakta elektorale.
Tutje, Selimi ka shtuar se Kurti ka harruar premtimet e tij dhe fokusin e ka vetëm te Serbia.
“Çdo javë po shtohet edhe nga një çështje në listën e mosmarrëveshjeve mes Kosovës dhe ShBA-së. E vetmja arsye është nevoja e regjimit qeverisës të Kosovës të krijojë kriza dhe të korrë disa përfitime të pakta elektorale. Kurti harroi vendet e punës, ekonominë, investimet. Fokusi i vetëm i tij është Serbia. E pashëndetshme.” – ka thënë ai.
Every week there’s one more issue added to the list of disagreements between 🇽🇰 & 🇺🇸. The only reason is the need of the ruling regime of Kosovo to create crisis and reap some meagre electoral benefits. Kurti forgot jobs, economy, investments. His only focus is Serbia. Unhealthy. https://t.co/CnegMoelmv
— Petrit Selimi (@Petrit) August 6, 2024
Ndryshe, Shtetet e Bashkuara të Amerikës i kanë reaguar ashpër Qeverisë së Kosovës pas aksionit në veri, ku u mbyllën nëntë degë të Postës Serbe.
"Qeveria e SHBA është thellësisht e zhgënjyer nga veprimet e njëanshme dhe të pakoordinuara të ndërmarra nga Qeveria e Kosovës kundër degëve të postave serbe në veri të Kosovës. Veprimet e pakoordinuara të Kosovës i vënë qytetarët e Kosovës dhe ushtarët e KFOR-it në rrezik më të madh, përshkallëzojnë në mënyrë të panevojshme tensionet rajonale dhe minojnë reputacionin e Kosovës si një partner i besueshëm ndërkombëtar.Ne i bëjmë thirrje qeverisë së Kosovës që të ndërpresë çdo veprim të mëtejshëm të njëanshëm dhe t'i kthehet angazhimit konstruktiv në Dialogun e lehtësuar nga BE-ja për të zgjidhur çështjet që kanë të bëjnë me normalizimin e marrëdhënieve ndërmjet Kosovës dhe Serbisë." - thuhej në reagim.
