Kurti, Krasniqi e Abdixhiku deklarohen pas takimit me Presidenten Osmani: Çka u tha?
Presidentja e Kosovës, Vjosa Osmani ka pritur në tqakim liderët e partive politike. Deri në momentin e publikimit të këtij artikulli, takimet kanë përfunduar me partinë më të madhe, kryetarin e saj, Albin Kurti, me kryetarin e partisë së dytë, Memli Krasniqi si dhe me kryetarin e partisë së tretë nga zgjedhjet e 9 shkurtit, Lumir Abdixhiku. Osmani pritet t’i takoj edhe liderët e tjerë të partive. Nga ajo që u tha pas takimeve me Presidenten, u vërejt një gjuhë pak sa më e moderuar. Sidomos nga Kryetari i Vetëvendosjes, Albin Kurti.
Kurti me të dalur nga takimi me Presidenten e vendit, Vjosa Osmani, si rrallëherë është ndalur para gazetarëve, duke thënë se kanë përmbendur të gjitha elementet përbërëse me Presidenten. Madje ai tha se ‘për progres jemi të interesuar të gjithë’
“E diskutuam idenë e kompromisit, që ta realizojmë këtë gjë, që pastaj të dalim te formimi i qeverisë së re, që i përgjigjet Kuvendit, diskutuam gjërë e gjatë, i përmendëm të gjitha elementet përbërëse. Zonja Presidente do të ketë takime edhe me liderët e tjerë të partive politike dhe të shohim se a kemi bërë përparim apo jo. Unë besoj se duhet t’ia japim shansin takimeve të reja, takimeve të tjera që ta shohim nëse e kemi bërë progresin për të cilin jemi të interesuar të gjithë.” – tha Kryetari i Vetëvendosjes, Albin Kurti.
Ndërkohë, Kryetari i PDK-së, Memli Krasniqi, nuk e la pa folur edhe për mënyrën se si Vetëvendosja po e interpreton Aktgjykimin e Gjykatës Kushtetuese, për bllokadën në Kuvend.
“Sa i përket Gjykatës dhe Kushtetutës e aktgjykimeve, nëse ka një parti politike dhe lider që s’duhet me u marrë me interpretime, është Albin Kurti dhe Vetëvendosje, sepse sa herë i kemi çu në Kushtetuese, ne i kemi fitu lëndët e ata i kanë hupë. Në të kaluarën s’kanë ditë për tema më të rëndësishme me bo interpretime”, ka deklaruar Krasniqi.
Abdixhiku: Kurti e ka kapur Kuvendin përmes deputetit më të moshuar
Kryetari i LDK-së, Lumir Abdixhiku, ka mirëpritur gatishmërinë e presidentes Vjosa Osmani për të ndihmuar në tejkalimin e ngërçit politik.
Pas takimit me të paren e vendit, Abdixhiku ka thënë se VV-ja e ka kapur në mënyrë arbitrare Kuvendin e Kosovës.
Sipas tij, një gjë të tillë po e bën përmes deputetit më të moshuar.
“I pari ka kapur institucionin kushtetues nëpërmjet më të moshuarit. Më i moshuari po refuzon të implemetojë aktgjykimin e Gjykatës Kushtetuese, në mënyrë krejt arbitrare”, ka thënë Abdxhiku.
Ai e ka kritikuar edhe kryetarin e VV-së, Abin Kurti, për situatën politike.
I pari i LDK-së ka thënë se Kurti nuk po e kupton përgjegjësinë e tij.
“Deputeti Kuti refuzon të kuptoi përgjegjësinë e vetë, pragmatizmi politik. Nuk është tragjedi me bo kompromis, është vlerë normale demokratike. Ka parti që po ia jepen atë kompromis”, ka thënë Abdixhiku.
