Gazeta gjermane me pretendime të forta: ShBA dhe BE po ndajnë Ballkanin në tri zona ndikimi; shqiptare, serbe dhe kroate
“Për arsye të ndikimit të luftës në Ukrainë, Perëndimi po ndërron politikën e saj në Ballkan. Sidoqoftë, lëshimet ndaj Serbisë mund të sjellin konflikte të rrezikshme”. Kështu shkruan media gjermane Tageszeitung (TAZ), siç e citoi Deutsche Welle.
TAZ pretendon se Shtetet e Bashkuara dhe Bashkimi Evropian në Ballkan po provojnë të pranojnë pozicionet etno-nacionaliste për shkak se provojnë “të kufizojnë” ndikimin e Moskës. “Ata madje po përpiqen të arrijnë pajtim me politikanë që mbrojnë krimet e luftës dhe haptazi shpërfaqen për simpatizantë të Vladimir Putinit”, vlerëson TAZ-i.
“Për një kohë të gjatë, strategjia perëndimoire ishte demokratizimi i shteteve të Ballkanit Perëndimor dhe afrimi i tyre në vlerat e komunitetit të BE-së. Kjo, simbas kritikëve amerikanë, është braktisur. Demokratizimi i shoqërive, trajtimi i së kaluarës dhe zbatimi i të drejtave të njeriut, përfundimisht më s’luan asnjë rol. Së paku këshu shkencëtari politik Januzs Bugajski e sheh këtë, i cili niset nga fakti që Shtetet e Bashkuara të Amerikës dëshirojnë që Ballkanin ta ndajnë në tri zona ndikimi: serbe, kroate, shqiptare. Simbas mendimit të tij, ShBA dhe BE po provojnë të arrijnë marrëveshje me forca etno-nacionaliste në Balkan duke hequr dorë nga pozicionet pro-perëndimore dhe demoraktike. Në lidhje me luftës në Ukrainë, në Uashingon shpresojnë të tërheqin presidentin autokratk Vuçiq në anën e Perëndimit në të njëjtën kohë duke kënaqur të djathtën kroate, të cilët janë në favor të Putinit”.
“A është kjo një tjetër pikëkthese? Për arsye të ndikimit të luftës në Ukrainë, Perëndimi po ndërron politikën e saj në Ballkan. Sidoqoftë, lëshimet ndaj Serbisë mund të sjellin konflikte të rrezikshme, sipas njërin nga ekspertët më të mirë në rajon, Kurt Bassuener, nga think0-tank’u i Këshillit për Politika Demokratizimi”, vazhdon gazeta gjermane.
Mes tjerash TAZ gjerman e çon edhe më tej konstatitim. Fakti që forcat pro-serbe dhe pro-ruse në Mal të Zi u fuqizuan në zgjedhjet e fundit në Mal të Zi, nga ShBA “thjesht u pranua”.
“Duket gjithashtu se ekstremistët antidemokratikë, nacionalistët kroat në Bosnje dhe Hercegovinë kanë mbështetje, madje edhe kundër vullnetit të boshnjakëve. Me mbështetjen e Zagrebit dhe lobimin e gjerë nga Brukseli, partia ekstremiste hercegovinase HDZ arriti të marrë drejtimin pushteti në Federatën e Bosnjës dhe Hercegovinës. Për muaj të tërë, Escobar, Borrell dhe Lajçak ushtruan presion ndaj partive jo-nacionaliste që të bien dakord për një koalicion me nacionalistët kroatë. Qëllimi ishte që të largohej nga pushteti partia kombëtare myslimane boshnjake SDA", beson TAZ.