E konfirmon prokuroria: Kanë nisur hetimet për dhunë në Kuvend, do të intervistohen të gjitha palët - NACIONALE

E konfirmon prokuroria: Kanë nisur hetimet për dhunë në Kuvend, do të intervistohen të gjitha palët

10 muaj më parë

nga NACIONALE

Prokuroria Themelore në Prishtinë ka nisur hetime për veprën penale “Sulm” në lidhje me dhunën në Kuvendin e Kosovës gjatë ditës së sotme.

Përmes një komunikate për media, Prokuroria ka njoftuar se ka autorizuar policinë në ndërmarrjen e të gjitha veprimeve të nevojshme hetimore.

Po ashtu, Prokuroria mes tjerash ka treguar se do të merren deklaratat e palëve të përfshira në këtë procest, që rrjedhimisht, janë deputetët dhe ministrat

"Prokuroria Themelore në Prishtinë, njofton opinionin publik se Prokurori i Shtetit ka iniciuar hetime në drejtim të veprës penale “Sulmi”, sipas KPRK-së, lidhur me incidentin i cili ka ndodhur gjatë ditës së sotme në Kuvendin e Kosovës, si dhe ka autorizuar Policinë në ndërmarrjen e të gjitha veprimeve të nevojshme hetimore, përfshirë po ashtu marrjen e deklaratave të palëve të përfshira në këtë rast.Prokuroria në koordinim të plotë me Policinë e Kosovës, do t’i ndërmerre të gjitha veprimet konform dispozitave ligjore të KPPRK-së, deri në sqarimin e plotë të çështjes në fjalë." - thuhet në njoftim.

Sërish tensione

Pas rreth tre orëve pauzë, kryetari i Kuvendit, Glauk Konjufca, vijoi me mbajtjen e një seancë të re.

Deputetët e opozitës kanë bllokuar foltoren e Kuvendit, ndërsa deputet e PDK-ja kanë sjell në seancë dy pankarta të mëdha ku Albin Kurti dhe Mimoza Kusari shihen me hundë të madhe, si "Piniokio".

Me të filluar seanca, deputetët e PDK-së kanë tentuar t'i afrohen foltores së kryeparlamentarit. Më pas, dikush nga deputetët ka hedhur ujë në drejtim të Konjufcës.

Tashmë ka ndërhyrë edhe sigurimi i Kuvendit në sallë.

Ndërsa, kryeparlamenatri Konjufca ka paralajmëruar se kushdo që ushtron dhunë do të largohet nga salla.

Çka ndodhi?

Derisa kryeministri Kurti po mbante fjalim, fillimisht, deputetja e PDK-së, Ganimete Musliu e quantë “rrenc”.

Më pas, njëra prej deputeteve vendosi një fotografi në foltoren e Kuvendit, ku shihej kryeministri me “hund të zgjatur”, që simbolizon gënjështrën.

Pas disa sekondave, letra u largua dhe u shqye nga zëvendëskryeministri Besnik Bislimi.

Kjo e acaroi deputetin e PDK-së, Mërgim Lushtaku, i cili hodhi ujë nga një shishe në drejtim të zëvendëskryeministrit Bislimi, dhe më pas, përleshja eskaloi ku ministrat e Qeverisë sulmuan deputetin Lushtaku dhe të tjerët që dolën aty.

Në pamjet direkte, shihet se deputetët janë përleshur me grushta, derisa ka ndërhyrë edhe sigurimi i kryeministrit Kurti.

Gjatë përleshjes, deputeti i PDK-së Hajdar Beqa shihet në pamje derisa e grushton ministrin Hekuran Murati që i doli në mbrojtje kryeministrit Kurti pasi ndaj tij u hodh ujë nga ana e deputetit Mërgim Lushtaku.

Ai shihet derisa fillimisht i merr syzet e Muratit, dhe më pas e godet.

Më pas, Beqa shihet edhe gjatë pjesës tjetër të videos derisa mban në dorë syzet e Muratit.

I grushtuar nga kjo situatë mbeti edhe zv. kryeministri Besnik Bislimi. Nga pamjet e publikuar deri më tani ende nuk dihet se kush se kush e goditi Bislimin.

Që nga fillimi seanca e sotme ishte e tensionuar. Kjo për shkak të përgjimeve të publikuar nga gazeta Nacionale, ku shefja e Grupit Parlamentar të VV-së, Mimoza Kusari-Lila, dëgjohet duke biseduar me deputetin e Listes Serbe, Sllavko Simiq. Në këtë bisedë, deputetja e VV-së e pranon se për disa minuta ka biseduar Milan Radojçiqin, të dyshuarin për krime të ndryshme në Kosovë.

Madje, gjatë kësaj bisede Kusari-Lila dëgjohet duke i fyer kolegët e saj të partive opozitarë.

Lajme të ngjashme