Dërgesat e emigrantëve kapin vlerën e 928.5 milionë eurove deri në gusht të 2025-ës

Prurjet financiare nga diaspora vazhdojnë të mbeten një burim jetik për ekonominë e Kosovës, duke shënuar një rritje prej 3.9 për qind në gjashtëmujorin e parë të vitit 2025. Sipas të dhënave zyrtare, totali i remitancave arriti në 654.7 milionë euro, krahasuar me 630.1 milionë euro në të njëjtën periudhë të vitit të kaluar.

Duke përfshirë edhe muajt korrik dhe gusht, totali i remitancave për vitin 2025 arrin në 928.5 milionë euro.

Rritja më e theksuar u vërejt gjatë muajve mars deri në maj 2025, kur prurjet mujore luhateshin nga 86.1 deri në 127.5 milionë euro.

Gjermania dhe Zvicra mbeten vendet kryesore të mbështetjes nga diaspora, duke përbërë së bashku rreth 56.5 për qind të remitancave në gjashtëmujorin e parë të vitit 2025.

ShBA dhe Austria ndjekin më pas me nga 48.7 dhe 30.1 për qind, ndërsa Italia, Belgjika, Franca, Suedia dhe Mbretëria e Bashkuar plotësojnë listën e top shteteve nga të cilat pranohen vlerat më të mëdha të dërgesave.

Operatorët e Transferimit të Parave mbeten zgjedhja dominuese për dërgimin e remitancave, duke përbërë 59 për qind të totalit.

Bankat zënë vetëm 15.7 për qind të tregut, ndërsa kanalet e tjera mbulojnë 25.3 për qind të mbetur. Kjo tregon preferencën e vazhdueshme të diasporës për shërbime të shpejta dhe të aksesueshme financiare.

Krahimi me vitet paraprake

Krahasuar me vitet e mëparshme, remitancat tregojnë një trend rritës të qëndrueshëm.

Në gjashtëmujorin e parë të vitit 2023, totali ishte 627.5 milionë euro, duke u rritur minimalisht në 630.1 milionë euro në 2024, dhe duke arritur në 654.7 milionë euro në 2025. Kjo përbën një rritje prej 4.3 për qind krahasuar me 2023.