Vehement: Martin Berishaj shpik një fjalë të re për ta prezantuar shefen Donika Gërvalla
Në Forumin e Dubrovnikut në Kroaci, ambasadori kontrovers Martin Berishaj pati rastin të takohej me shefen e tij, Donika Gërvalla Schwarzin. Dhe, ky takim si duket ishte aq i rëndësishëm sa Ambasada e Kosovës në Zagreb nuk dinte se si t’i vendoste një cilësor adekuat përfaqësimit të saj.
Forumi i 15 Ndërkombëtar i Dubrovnikut nuk zgjoi ndonjë interes të madh medial. Sidoqoftë, aty e pranishme ishte edhe Ministrja e Punëve të Jashtme dhe Diasporës, znj. Donika Gërvalla Schwarz.
Përveç saj, të pranishëm edhe 40 ministra dhe zyrtarë tjerë qeveritarë nga vende të Evropës.
Motoja e këtij forumi ishte “Përpjekja për balans në një botë të përçarë!”
Sipas asaj që thotë Ambasada, znjë Gërvalla ka shpalosur të arriturat e Qeverisë së Kosovës “në planin e brendshëm dhe atë ndërkombëtar” por edhe synimet e (sic) palëkundura të diplomacisë së Kosovës.
Sipas Ambasadës, kjo është “dëshmi që ngjalli interes për takime të shumta bilaterale me homologë të saj”.
Sidoqoftë, ata nuk kanë bërë të ditur se kush shfaqi interes konkretisht me znj. Gërvalla, dhe se si këto shpalosje arritën ta bënin një gjë të tillë.
Për më tepër, ambasada ka cilësuar përfaqësimin që i ka bërë Gërvalla Kosovës së “vehement”, fjalë kjo që nuk ndodhet në fjalorin e gjuhës shqipe.
Nëse e përkthejmë nga gjuha angleze, kjo fjalë ka kuptimin si vijon: “të shfaqësh ndjenja të forta; të fuqishme, pasionante apo intenzive.”
Etimologjia e fjalës është nga frëngjishtja e vjetër dhe nënkupton sjellje të “rrëmbyer” e të “dhunshme”.
Nuk dihet nëse gjuhëtarët shqiptarë e kosovarë kanë plane për ta futur mbiemrin “vehement” në fjalorin e Gjuhës Shqipe me rastin e 50 vjetorit të Kongresit të Drejtshkrimit që festohet sivjet.
Kujtojmë se Martin Berisha, drejtuesi i Ambasadës në Kroaci, është përfshirë në një skandal të madh në Slloveni pasi ishte zënë duke marrë para kesh në një institucion financiar në vlerën që shkonte në 600 mijë euro.
Ai është caktuar në pozitën e ambasadorit pikërisht nga znj. Donika Gërvalla Schwarz.
Statusi i plotë: