Vizita në Luginë: Shqiprim Arifi nuk do t'i takojë Bislimin e Nagavcin
Zëvendëskryeminsitri i Kosovës, Besnik Bislimi bashkë me ministren Arbërie Nagavci do qëndrojnë sot për vizitë në Luginë të Preshevës.
Nacionale mëson se Bislimi dhe Nagavci nuk do të takohen me kryetarin e komunës së Preshevës, Shqiprim Arifi.
Në agjenden e publikuar nga Zyra e Kryeministrit, askund nuk përmendet takimi i tyre me kryetarin Arifi.
Në këtë vizitë, sipas agjendës, Bislimi e Nagavci do të takohen me përfaqësuesit politik në Luginë të Preshevës.
Ata do të vizitojnë edhe dy shkolla dhe shoqata të tjera.
Vizita e tyre në Luginë vjen pas në të njejtën kohë ku Kosovën do ta vizitojë kryeministrja e Serbisë, Ana Brnabiq.
Agjenda e tyre:
10:30 – Takim me Këshillin Kombëtar Shqiptar;
11:15 – Takim me deputetin Shaip Kamberi;
12:00 – Takim me krerët e Komunës së Bujanocit;
12:45 – Vizitë në Shkollën Fillore ‘’Muharrem Kadriu’’ – Tërnoc;
14:50 – Vizitë në Shkollën Fillore ‘’Ibrahim Kelmendi’’ – Preshevë;
15:00 – Drekë Pune me liderët politikë të Preshevës;
17:30 – Takim me Shoqata, Biznese dhe Personalitete të Shquara – Hotel “Rozafa”, Bujanoc.