Smajljaj: Më shqetësuese se mbyllja e shkollave është qëndrimi i palëve ndaj dialogut social
Profesori universitar Avdi Smajljaj është shprehur i shqetësuar me vazhdimin e grevës se përgjithshme.
Në profilin e tij në “Facebook”, ai ka shkruar se më shqetësuese sesa mbyllja e shkollave është qëndrimi i palëve ndaj dialogut social e pluralizmit.
“As sot nuk ka lëvizje nga ndonjëri prej dy kampeve të barrikaduara, shkollat vazhdojnë të mbyllura, fëmijët e paguajnë faturën e papërgjegjësisë politike e profesionale. Edhe më shqetësuese sesa mbyllja e shkollave është qëndrimi i palëve ndaj dialogut social e pluralizmit. Rregulli se duhet bërë vetëm si them unë, nuk është parim i demokracisë e pluralizmit ku përballen intereset e ndryshme”, ka shkruar ai.
