Shkaku i temperaturave të larta MINT-i kufizon qarkullimin e kamionëve mbi 20 tonë në autoudhë

Ministria e Infrastrukturës dhe Transportit ka njoftuar se të premten do të ndalohet përkohësisht qarkullimi i automjeteve për transport mallrash mbi 20 tonë në autoudhë, nga ora 11:00 deri në 17:30.

Sipas ministrisë, masa vjen për shkak të temperaturave mbi 32 gradë Celsius.

Në rrugët nacionale, rajonale dhe lidhëse nuk do të ketë kufizime, ndërsa përjashtohen automjetet emergjente, të sigurisë dhe shëndetësisë.