Presidenti shqiptar përshëndet marrëveshjen Kosovë-Serbi: Kjo është në interes të qytetarëve

Presidenti i Shqipërisë, Bajram Begaj ka reaguar pas marrëveshjes së arritur mes Kosovës dhe Shqipërisë, lidhur me dokumentet e identifikimit.

Begaj përmes një shkrimi në llogarinë e tij në Twitter, ka thënë se kjo marrëveshje është në interes të mirë të qytetarëve.

Ai shprehi mirënjohjen ndaj SHBA-së dhe BE-së për angazhimin e tyre në dialog.

“Përshëndes marrëveshjen që lehtëson udhëtimin e shtetasve mes Kosovës dhe Serbisë, në interesin më të mirë të të gjithë qytetarëve. Vlerësim për dialogun që sjell rezultate dhe mirënjohje për mbështetjen e BE& SHBA ”, shkruan Kreu i Shtetit.