“Nuk jam unë spiuni” – Ilir Meta akuzon se e kanë ngatërruar qëllimshëm

Ilir Meta theu heshtjen dhe mohoi pretendimet se ai është politikani me inicialet I.M që ka rezultuar pjesë e dosjeve sekrete të ish-sigurimit të shtetit.

Ai sfidoi autoritetin e dosjeve të bëjë publike dokumentet ndërsa duke u kthyer pas në të shkuarën e tij Ilir Meta kujtoi se në Fakultetin Ekonomik ku ai ka kryer studimet ishin me dhjetëra studentë me të njëjtat inciale, madje edhe një shoku tij i klasës kishte të njëjtin emër dhe mbiemër.

Ilir Meta e cilësoi lojë politike, ndërsa sulmoi ashpër autoritetin e dosjeve duke e akuzuar për falsifikim të dokumenteve, pasi sipas tij prej vitit 92 ai është nënshtruar të gjitha verifikimeve dhe e shkuara e tij ka dal e pastër.

“Për njollosjen emrit nuk do i drejtohet drejtësisë pasi nuk kam marrë asnjë dokument nga autoriteti i dosjeve dhe as nga kryetarja e Kuvendit pasi më ka humbur respekti”, ka thënë Meta.