Ish këshilltari i Kurtit thotë se më shumë se gjysma e deputetëve të VV-së janë të pakënaqur me Qeverinë
Ish këshilltari i kryeministrit Kurti për drejtësi, Durim Berisha, ka kritikuar paraqitjen e fundit të tij në Këshillin e Përgjithshëm të Vetëvendosjes ku kritikoi deputetët dhe ministrat e tij.
Berisha pretendon se “më shumë se gjysma e deputetëve” janë të pakënaqur me performancën e ministrave dhe vetë kryeministrit Kurti.
Ai ka kërkuar që Kurti të reflektojë dhe të përmirësojë rezultatet e punës, e jo të (sic) kërcënojë apo të ofrojë favore.
Kurti gjatë ditës së sotme kritikoi deptutetë dhe madje edhe ministra të partisë së tij, derisa prezantoi ato që i konsideroi si suksese të tij dhe Qeverisë.
“Zhvillimi i shtetit kërkon më shumë se një vit,” – u shpreh mes tjerash Kurti gjatë fjalimit të sotëm.
Po ashtu, kryeministri hapur e publikisht kërkoi prej vartësve të tij që të mos flisnin për tema pa lidhje me interesat e partisë apo qeverisë.
Berisha, që ka këshilluar Kurtin gjatë muajve të Qeverisë Kurti I, ka pretenduar se kryeministri i ka lënë partinë e qeverisjen në duart e “emisarëve të partisë së punës”. Besohet që në këtë pikë fjala është për Hysamedin Ferajn e Elvis Hoxhën.
Statusi i plotë dhe pa ndërhyrje:
Kur nje kryetari te partise i thone me shume se gjysma e deputeteve te grupit parlamentar se jane te pakenaqur me performancen e tij dhe ministrave te tij, ai reflekton duke u angazhuar te permiresoje rezultatet e punes e jo duke i kercenuar ata apo duke ju ofruar favore.
E majta ne Kosove, me tha nje shok, ka me pas fatin e asaj partise ne Greqi qe erdhi me shume buje e doli si shkuma e detit. E padobishme e debakel te shpejte.
Ama keshtu kur partine e qeverisjen ua beson emisareve te partise se punes, te cilet as vet Partia Socialiste ne Shqiperi nuk i ka pranuar ne mesin e vet.
