Deliu–Kodra: PDK abstenoi për Byronë për shkak të shkeljeve kushtetuese
Deputetja e Partisë Demokratike të Kosovës, Blerta Deliu-Kodra ka thënë se PDK abstenoi për Byronë për shkak të shkeljeve kushtetuese.
Tutje ajo tha se kjo votë ka ardhur për shkak se ata konsiderojnë që Ministria e Drejtësisë do të ketë një reflektim karshi vërejtjeve të opozitës.
“Kemi abstenuar në start sepse kemi konsideruar që qeveria, konkretisht Ministria e Drejtësisë do të ketë një reflektim karshi vërejtjeve që i kemi dhënë ne si opozitë”, tha ndër të tjerash Deliu-Kodra në Klan Kosova.
Kujtojmë se sot ky projektligj nuk i pati votat e mjaftueshme për të kaluar, ndërsa befasi ishte edhe vota e Glauk Konjufcës, që abstenoi. Pra, kryeparlamentari nuk ishte në të njëjtën linjë me partinë e tij.
