Arrestohet një zyrtar në komunën e Vitisë për “keqpërdorim të pozitës zyrtare”
Zyrtari i gjendjes civile në komunën e Vitisë, është arrestuar nën dyshimet për “keqpërdorim të pozitës zyrtare”.
Policia thotë se i njejti dyshohet se i ka mundësuar një qytetari identitet të rrejshëm si shtetas i Kosovës.
KEQPËRDORIM I POZITËS ZYRTARE/KK/Viti 19.09.2022 – 12:00. Nga njësiti për hetimin e krimeve ekonomike është arrestuar i dyshuari mashkull kosovar zyrtar i gjendjes civile në komunë, i cili duke keqpërdor pozitën zyrtare i ka mundësuar një qytetari identitet të rrejshëm si shtetas i Republikës së Kosovës (pala ishte shtetas i Serbisë, Preshevë). Me vendim të prokurorit i dyshuari është dërguar në mbajtje.
