Kjo risi unike...ajo që frymëzoi ekspozitën Manifold të revistës “Frieze”
Gjatë kujdesit për ekspozitën time Manifold për “Frieze”, mendoja për idenë e shtresave, veprat e artit që janë komplekse në natyrë, për artistët që veprojnë nga këndvështrimi i mendjes së hapur dhe bollëkut. Rezultoi që këto artiste ishin të gjitha me ngjyrë. Ndoshta ideja ishte pak e njëanshme, por ajo u kthye në elementin qendror të projektit.
U frymëzova nga bëmat kuratoriale të Lubaina Himid në Londrën e viteve 1980, kur ajo organizoi një seri ekspozitash të grave me ngjyrë: Five Black Women në Africa Centre në 1983, Black Women Time Now (1983-84) dhe The Thin Black Line në Institute for Contemporary Arts (ICA) në 1985. Ekspozita në ICA u zhvillua në korridoret e institutit, duke demonstruar margjinalizimin e grave me ngjyrë në botën e artit. Për mua, ideja për të nxjerrë në pah diversitetin e artisteve me ngjyrë, në një hapësirë ku ato ishin të lira të ishin të suksesshme dhe të dështonin, mori një rëndësi edhe më të madhe.
Me botimin e dytë të Manifold, mentaliteti i bollëkut filloi të merrte një kuptim tjetër dhe tashmë shtrihet te shikuesi, te mendja e hapur, pa iu referuar rreptësisht artisteve femra. Ndonjëherë, kur ekspozitat e artistëve me ngjyrë organizohen në mjedise evropiane dhe amerikanoveriore, veprat e tyre vendosen në kontekste problematike që i lidhin drejtpërdrejt me të bardhët. Ne e anashkalojmë aspektin e diversitetit të kulturës me ngjyrë, të dialogut transatlantik, të asaj me ngjyrë në raport me atë me ngjyrë. Pra, kjo ekspozitë paraqet në thelb 17 gra brilante me ngjyrë nga e gjithë bota që bisedojnë me njëra-tjetrën dhe realizojnë vepra të larmishme, duke refuzuar të jenë subjekt i interpretimeve të thjeshtëzuara.
Manifold do të qëndrojë hapur në Frieze No. 9 Cork Street, Londër deri më 29 prill.
Faridah Folawiyo është kuratore dhe shkrimtare që jeton midis Lagosit dhe Londrës./Service95
