Rubio pas themelimit të Bordit të Paqes: Po hyjmë në fazë të re
Sekretari amerikan i Shtetit, Marco Rubio, ka mbajtur fjalim pas themelimit të Bordit të Paqes, ku e pranishme ishte edhe presidentja e Kosovës, Vjosa Osmani.
Sekretari amerikan i shtetit përmend atë që po ndodh në Gaza, ku thotë se Trump kishte “vizionin dhe guximin për të ëndërruar të pamundurën” për një problem që shumëkush e konsideronte të pazgjidhshëm.
Rubio thotë se shumë nga institucionet që “na kanë shërbyer mirë për më shumë se 70 vjet” nuk ishin në gjendje të bënin asgjë për këtë çështje (gjë që nuk do t’i qetësojë frikërat se bordi i paqes po krijohet për të zëvendësuar ato institucione).
Rubio flet për një epokë të re dhe një fazë të re, si dhe për një model për pjesën tjetër të botës se çfarë është e mundur.
Vizioni i së ardhmes për Gazën është “fati ynë”, nëse ne investojmë kohën dhe përpjekjen e nevojshme, përfundon ai.
Trump: Do të zgjidhim edhe një luftë shumë shpejt
Trump thotë se tani kemi “paqen në Lindjen e Mesme”, përsërit pretendimin e tij se ka zgjidhur tetë luftë dhe më pas sugjeron se “një tjetër po vjen shumë shpejt”.
Ai i referohet luftës Rusi–Ukrainë, duke e quajtur “atë që mendova se do të ishte e lehtë”, por që rezultoi të ishte më e vështira.
“29 mijë njerëz, kryesisht ushtarë, vdiqën muajin e kaluar”, thotë Trump, një bilanc “i tmerrshëm”.
Ai shton se “po bëjmë shumë përparim” në bisedimet e paqes, duke përsëritur atë që dëgjuam më herët sot nga Steve Witkoff.
Lexo edhe:
