Njëri me pushkë, tjetri me thikë: Dalin pamje nga sulmi me shtatë të vrarë në Izrael
Shtatë persona u vranë dhe të paktën tetë të tjerë u plagosën gjatë një sulmi terrorist me të shtëna e therje në Jaffa të Izraelit të martën në mbrëmje, sipas policisë izraelite, në njërin prej sulmeve më vdekjeprurëse viteve të fundit.
Dy sulmues, njëri prej të cilëve ishte i armatosur me armë të gjatë e tjetri me thikë, sulmuan civilë në linjën hekurudhore të Tel Avivit para se të dilnin dhe ta vazhdonin sulmin në këmbë, duke shtënë e duke therur njerëz në Rrugën e Jerusalemit në qytet, raporton gazeta “The Times of Israel”.
Një oficer komunal i sigurisë dhe civilët e armatosur i qëlluan dhe i “neutralizuan” dy sulmuesit terroristë, shtoi policia izraelite.
Dy sulmuesit u identifikuan si Mehmed Khalaf Saher Rajab dhe Hassan Mohammed Hassan Tamimi, të dy banorë palestinezë nga Hebroni, në Bregun Perëndimor.
Footage shows the deadly terror shooting attack in Jaffa this evening.
— Emanuel (Mannie) Fabian (@manniefabian) October 1, 2024
Two Palestinian terrorists, one armed with an assault rifle and the other with a knife, murdered six people and wounded nine others on Tel Aviv's light rail and a nearby street. pic.twitter.com/JaZbwgDGdi
