Videoja tronditëse e raketës ruse që bëri një kthesë 180 gradë në ajër dhe goditi bazën që e kishte lëshuar
Pamjet janë marrë pranë qytetit të Alchevsk, rreth 55 kilometra në jug të Severodonetsk, ku janë zhvilluar luftimet më të ashpra në javët e fundit.
Një raketë ruse e mbrojtjes ajrore në rajonin e Luhanskut bëri një kthesë 180 gradë në ajër dhe shpërtheu pothuajse në të njëjtin vend nga u lëshua.
Pamjet janë marrë pranë qytetit Alchevsk, rreth 55 kilometra në jug të Severodonetsk, ku janë zhvilluar luftimet më të ashpra.
Raportet tregojnë se sistemi raketor i mbrojtjes ajrore - ndoshta një S300 - u operua nga separatistët pro-rusë nga Republika Popullore e Luhanskut.
Shkaku i rrëzimit është i panjohur, me disa spekulime se mund të jetë për shkak të hakerimit ose ndërhyrjes nga një dron ukrainas në lëvizje, megjithëse kjo konsiderohet e pamundur.
Videoja tregon shpërthimin e madh të shkaktuar nga goditja dhe se si prodhoi një kaskadë të shkëlqyeshme shkëndijash në rrethinë, e cila besohet të jetë shkaktuar nga shpërthimi i karburantit të raketës që nuk ishte përdorur gjatë fluturimit të saj.
Video shows the malfunction of a #Russian air defense missile as it returns to the launch site and explodes. The incident reportedly occurred in the vicinity of #Alchevsk, south of #Severodonetsk. The missile is thought to have been launched from an S-300 of the LNR. pic.twitter.com/NA8Yg7yQ51
— FUNKER (@FunkerActual) June 24, 2022
Sipas mediave lokale, një zjarr ka rënë në vend, jo shumë larg ndërtesave të banimit.
Forcat ukrainase do të tërhiqen nga Severodonetsk, i rrethuar prej javësh, gjë që nënkupton një avancim të trupave ruse në rajonin e Luganskut, në lindje të Ukrainës.
Kreu i Administratës Ushtarake të rajonit lindor të Lugansk, Serhiy Haidai , njoftoi të enjten se "për fat të keq" forcat e tij do të duhet të tërheqin trupat e tyre nga enklava strategjike e Severodonetsk për shkak të rrethimit rus.
“Fatkeqësisht, do të na duhet të tërheqim trupat tona nga Severodonetsk, sepse nuk ka kuptim të jemi në pozicione të thyera - numri i të vdekurve po rritet”, tha Haidai në llogarinë e tij në Telegram. /Nacionale/
