Rusët 'pushtojnë plotësisht' Severodonetskun, e zhvendosin fokusin në Lysychansk
Ushtria ruse ka "pushtuar plotësisht" qytetin kyç ukrainas të Severodonetsk pas disa javësh luftimesh, ka thënë kryebashkiaku i këtij qyteti, ndërsa presidenti rus Vladimir Putin u zotua të dërgojë raketa me kapacitete bërthamore në Bjellorusi brenda disa muajsh.
Ndërsa lufta hyn në muajin e saj të pestë, pushtimi i Severodonetsk shënon një fitore të rëndësishme strategjike për Moskën, e cila po kërkon të fitojë kontrollin e plotë mbi lindjen e vendit pasi dështoi në objektivat e saj të mëhershme.
Qendra industriale ishte vendi i betejave me javë të tëra përpara se ushtria ukrainase të fillonte tërheqjen e forcave të saj të armatosura për të mbrojtur më mirë qytetin fqinj Lysychansk.
"Qyteti është pushtuar plotësisht nga rusët," tha kryebashkiaku Oleksandr Striuk.
Separatistët pro-Moskës thanë se trupat ruse dhe aleatët e tyre kishin hyrë në Lysychansk, i cili gjendet përballet me Severodonetsk përtej lumit Donets. Pushtimi i tij do t'i jepte Rusisë kontrollin e të gjithë rajonit të Luganskut të Donbasit.
Një vështrim mbi ndryshimin e kontrollit gjatë 2 javëve të fundit në zonën përreth Lysychans'k dhe Severodonetsk.
12 qershor --> 26 qershor.
A look at the change to control over the last 2 weeks in the area around Lysychans'k and Severodonetsk.
— Ukraine War Map (@War_Mapper) June 26, 2022
12th June --> 26th June. pic.twitter.com/QLwcu3oUW2