“Nuk mjaftojnë”: Gjyqtarët e Speciales pajtohen me Prokurorinë, Policia e Kosovës nuk ua mbush syrin
Gjyqtarët e Dhomave të Specializuara të Kosovës në rastin e Thaçit dhe të tjerëve, kanë marrë vendim që Rexhep Selimit, Kadri Veselit e Jakup Krasniqit, t’u refuzohet lirimi i parakohshëm.
Ata, ndër të tjera, nuk i ka bindur as garancia nga Policia e Kosovës se janë të gatshëm ta zbatojnë arrestin shtëpiak.
Në parashtriminin të cilin e ka parë Nacionale, gjyqtarët theksojnë se garancia dhe gatishmëria e shprehur nga Policia e Kosovës, është e pamjaftueshme.
“Së dyti, Paneli është i mendimit se informacioni i ofruar nga Policia e Kosovës nuk adreson në mënyrë të mjaftueshme rrezikun që lidhet me rrjedhjen e mundshme të informacionit në lidhje me dëshmitarët e mbrojtur, duke përfshirë ata që kanë dëshmuar tashmë dhe ata që mund të vijnë për të dëshmuar në fazat e ardhshme të gjyqit. Në veçanti, [REDAKTUAR]. Edhe duke marrë në rastin më të mirë masat e propozuara të: [REDAKTUAR], dhe/ose (ii) [REDAKTUAR], Paneli konsideron se këto masa janë të pamjaftueshme për të monitoruar shkëmbimet e të Akuzuarit me anëtarët e familjes së tij të ngushtë”, thuhet në vendimin e gjyqtarëve, raporton Nacionale.
“Paneli vëren në këtë drejtim se, në Qendrat e Paraburgimit të Dhomave të Specializuara, komunikimet e pamonitoruara janë të kufizuara në mënyrë strikte duke pasur parasysh se të paraburgosurve u lejohen vetëm "vizita private" të pamonitoruara për periudha të kufizuara kohore dhe se vizitorët kontrollohen para hyrjes në ambiente. Përveç kësaj, Paneli vëren se, kur Regjistruesi (ose Zyrtari Kryesor i Paraburgimit) ka informacion se ekziston një rrezik i besueshëm i zbulimit të informacionit në lidhje me dëshmitarët gjatë një vizite, duke përfshirë një vizitë private me anëtarët e familjes, Regjistruesi (ose, duke vepruar në emër të saj, Zyrtari Kryesor i Paraburgimit) ka autoritetin për të refuzuar një vizitë të tillë dhe/ose për të vendosur ato masa që janë proporcionale dhe të nevojshme për të adresuar në mënyrë efektive atë rrezik”, thuhet më tutje.
Si rezultat, njëjtë si Prokuroria e Hagës, edhe gjyqtarët kanë konstatuar se Policia e Kosovës nuk është mjaftueshëm e gatshme për zbulimin e mesazheve të koduara.
“Në mënyrë të ngjashme Paneli konsideron se garancitë e dhëna nga Policia e Kosovës nuk do të zbusnin mjaftueshëm rreziqet që lidhen me rrjedhjen e mundshme të informacionit konfidencial në lidhje me dëshmitarët gjatë vizitave me Z. Krasniqi. Në veçanti, Paneli është i vetëdijshëm se [REDAKTUAR]. Si i tillë, Paneli konsideron se, nëse Z. Krasniqi dhe vizitorët e tij do të përdornin mesazhe të koduara, [REDAKTUAR]. Paneli është gjithashtu i mendimit se çështja e mesazheve të koduara do të vazhdonte edhe në [REDAKTUAR]144 [REDAKTUAR]. Siç është konstatuar më parë nga Paneli i Gjykatës së Apelit, edhe duke marrë parasysh se një oficer i Policisë së Kosovës mund të [REDAKTUAR]. 145 Anasjelltas, Paneli konsideron se mekanizmat e regjistrimit në vend në Qendrat e Paraburgimit të Gjykatës së Apelit dhe stafi i Regjistruesit, të parë në tërësi, ofrojnë siguri të forta kundër rrezikut që lidhet me komunikimet e paligjshme”, thuhet në vendim, raporton Nacionale.
“Paneli është i mendimit se asnjë informacion shtesë që do të kërkonte të merrte drejtpërdrejt nga Policia e Kosovës nuk do të ndihmonte në këtë çështje, pasi kjo e fundit është kontaktuar në raste të shumta të ndara nga Mbrojtja e Krasniqit dhe Gjyqtari i Procedurës Paraprake. Paneli vazhdon të konstatojë gjithashtu se asnjë kusht shtesë i vendosur proprio motu nga Paneli për ato të parashikuara sipas Nenit 41(12) të Ligjit nuk mund të zbutë mjaftueshëm rreziqe të tilla në këtë pikë. Paneli pohon se vetëm nëpërmjet kuadrit të monitorimit të komunikimit që zbatohet në Qendrat e Paraburgimit të SC-së, komunikimet e z. Krasniqi mund të kufizohen në një mënyrë që do të zbuste mjaftueshëm rreziqet e pengimit dhe kryerjes së krimeve të mëtejshme”, përfundon vendimi.
