Arrestohet një person në Gjilan dhe i konfiskohet revolja me një fishek
Policia e Kosovës njofton se kanë arrestuar një person në Gjilan, i cili dyshohet se ka kryer veprën penale ‘’Shkaktim i rrezikut të përgjithshëm’’.
‘’Drejtoria Rajonale e Policisë Gjilan, njësiti i hetimeve të Stacionit Policor Gjilan me datën 23.03.2023 pas informatave të marra përmes rrugëve operative ka arritur që të lokalizoj dhe arrestoj të dyshuarin S.L. (viti i lindjes 1981, mashkull kosovar shqiptar) i cili ishte vënë në kërkim policor me dyshimin e përfshirjes së tij në një rast të ,,Shkaktim i rrezikut të përgjithshëm’’ i datës 22.03.2023’’- raporton Policia e Kosovës.
Policia tutje njoftoi se të dyshuarit i janë konfiskuar: revole, fishek, karikator dhe brisk. Pastaj ai është intervistuar në dëshmi të avokatit, dhe i është caktuar nga Prokurori i Shtetit masa e ndalimit për 48 orë.
‘’Gjatë kontrollimit tek i dyshuari nga zyrtarët policor është gjetur dhe konfiskuar një (1) revole e tipit Gardinof e kalibrit 7.65 mm, një (1) fishek i kalibrit 7.65 mm, një (1) karikator dhe një (1) brisk si dëshmi për gjykatën. I dyshuari pas arrestimit është intervistuar në prezencë të avokatit mbrojtës.
Në lidhje me rastin është njoftuar Prokurori i Shtetit i cili ndaj të dyshurit ka lëshuar masën e ndalimit për 48 orë dhe rasti me kallëzim penal do të përcillet në Prokurorinë Themelore’’- raporton tutje Policia e Kosovës.
